Jınayat isleri boyınsha Ámiwdárya rayonı sudınıń baslıǵı J.Baltabaev tárepinen «Yangiobod» mákan puqaralar jıyını keńsesinde kóshpeli ashıq sud májilisi ótkerildi.

Onda burın sudlanǵan ayırım shaxslardıń jınayıy isleri kórip shıǵıldı. Atap aytqanda, kóshpeli sudta minez-qulqı unamlı tárepke ózgergen hám dúzeliw jolına ótken, jazanı ótew tártibi qaǵıydalarına hadal múnásibette bolǵan 13 shaxs jazasınan múddetinen aldın shártli túrde azat etildi.
Al, jazanı ótew tártibi qaǵıydasına ámel etpey bas tartıp júrgen 1 shaxstıń jazası jazanıń basqa awırlaw túrine almastırıldı.
Sonday-aq, sud májilisinde sudlanǵan shaxslarǵa jazanıń ótelmegen bólegi dawamında bilqastan jańa jınayat islegen jaǵdayda Jınayat kodeksiniń 60-statyasına muwapıq jaza tayınlanatuǵını haqqında tolıq túsinikler berildi.

Qaraqalpaqstan xabar agentligi