Ádillik ministrligi Stacionar medicina mákemelerindegi nawqaslardı medicinalıq kórsetpege muwapıq basqa medicina mákemesine ótkeriw tártibi haqqındaǵı rejeni dizimnen ótkerdi.

Rejege bola, nawqaslarǵa zárúr qánigelestirilgen medicinalıq járdemdi óz waqtında tolıq kórsetiwdi támiyinlew maqsetinde olar bir medicina mákemesinen basqa medicina mákemesine ótkeriledi.
Nawqaslar basqa medicina mákemesine ótkeriw procesinde medicina mákemesin zárúr medicinalıq járdem kórsetiw imkaniyatına iye bolǵan medicina mákemeleri arasınan erkin tańlaw huqıqına iye. Qalaberdi, basqa medicina mákemesine ótkeriw shıpaker tárepinen berilgen medicinalıq kórsetpe tiykarında ámelge asırıladı.
Nawqaslar ushın zárúr medicinalıq úskeneler yamasa qánigeler bolmaǵanda, sonday-aq, qánigelestirilgen medicinalıq járdem basqa medicina mákemesinde kórsetilse, medicinalıq kórsetpe beriledi.
Basqa medicina mákemesine ótkeriwden aldın nawqaslardı qabıl etiwshi medicina mákemesiniń bos orınları, zárúr medicinalıq úskeneler, qánigeler bar ekenligi anıqlanadı. Nawqaslar ómirlik kórsetkishleri turaqlı halda, shıpaker baqlawında basqa medicina mákemesine biypul ótkeriledi.

ÓzA