«Silk Road Tourism Awards 2025» tańlawında Qaraqalpaqstanlı isbilermen hayal jeńimpaz boldı, dep xabar bermekte Ózbekstan Sawda-sanaat palatası Qaraqalpaqstan Respublikası basqarmasınıń málimleme xızmeti.

«Jipek jolında turizm» 30-Tashkent xalıqaralıq turizm yarmarkasında «Silk Road Tourism Awards 2025» tańlawınıń jeńimpazların túrli nominaciyalar boyınsha sıylıqlaw máresimi bolıp ѳtti.
Tańlawda Qaraqalpaqstan Respublikasınıń turistlik potencialı joqarı bahalandı. Onda “Moynaq arzıwlar atawı” jámiyeti «Turizm logistikasında belsendi transport shólkemi» nominaciyasında sertifikatqa iye boldı.
Bul shólkemniń aymaqta turizm infrastrukturasın rawajlandırıw, turistlerdiń háreketi hám logistikasında qolaylı sharayat jaratıwdaǵı nátiyjeli jumısınıń ayqın kórinisi bolıp esaplanadı.
Bunnan tısqarı, «NITSA NUKUS» JShJnıń «Qaraqalpaq etno awılı» turizm orayı «2025-jıldıń eń úlgili jasıl turizm obekti» nominaciyasında jeńimpaz boldı.

Qaraqalpaqstan xabar agentligi