2026-jıl 1-yanvardan “Ashıq byudjet” portalında fizikalıq shaxslar tárepinen tólengen salıqlar esabınan ámelge asırılatuǵın byudjet qárejetleri maǵlıwmatların ózinde sáwlelendiriwshi “Fizikalıq táreplerdiń salıqları esabınan qárejetler” moduli iske túsiriledi.

Bul “Salıqlardıń jıynalıw dárejesin arttırıw hám belsendi salıq tólewshilerdi xoshametlew ilajları haqqında”ǵı Prezident qararında názerde tutılǵan.
Bunda tómendegiler turaqlı túrde járiyalanıp barıladı:
– fizikalıq shaxs tárepinen belgili bir dáwirde tólengen dáramat salıǵı, múlk salıǵı hám jer salıǵı haqqındaǵı maǵlıwmat;
– tólengen salıqlar esabınan Mámleketlik byudjetten ámelge asırılǵan qárejetler haqqındaǵı maǵlıwmatlar.
2026-jıl 1-yanvardan Namanganda salıq basqarıwınıń jańa modelin engiziw boyınsha tómendegilerdi názerde tutqan halda eksperiment ótkeriledi:
– fizikalıq táreplerden alınatuǵın múlk hám (yamasa) jer salıǵı boyınsha 1 mln sumnan asqan salıq qarızdarlıǵın óndiriwde elektr energiyasınıń billing sisteması mexanizminen paydalanıwdı engiziw;
– salıq uyımlarınıń jumısın bahalawda insan faktorı tásirisiz avtomatikalıq túrde qáliplesetuǵın eń áhmiyetli nátiyjelilik kórsetkishlerin engiziwdi sistemalı dawam ettiriw.
2026-jıl 1-yanvardan fizikalıq shaxslar tárepinen kóshpes múlklerdi ijaraǵa beriwden alınǵan dáramat boyınsha tólengen salıq tolıq muǵdarda múlk jaylasqan rayon (qala) jergilikli byudjetlerine qaratıladı,- dep málimleme beredi xabar.uz saytı.

Qaraqalpaqstan xabar agentligi