“Ishki isler uyımlarınıń qorǵaw tarawındaǵı jumısın nátiyjeli shólkemlestiriw ilajları haqqında”ǵı Prezident qararı (PQ-360-sanlı, 28.11.2025 j.) qabıl etildi. Bul haqqında “Huquqiy axborot” Telegram-kanalı xabar berdi.

Onda aytılıwınsha, Milliy gvardiya Qorǵaw bas basqarması Ishki isler ministrligi janındaǵı Qorǵaw departamenti etip qayta shólkemlestirilgen.
Qararǵa bola, Departament hám onıń bólimlerine tómendegi tiykarǵı wazıypalar júklenedi, sonıń ishinde:
• shártnama tiykarında mámleketlik, oǵada áhmiyetli, kategoriyalı hám basqa da obektler, bilimlendiriw mákemeleri, fizikalıq hám yuridikalıq shaxslardıń múlki, sawda, xızmet kórsetiw, kewilashar hám qurılıs obektlerin zamanagóy usıllar arqalı qorǵaw;
• qorǵalatuǵın obektlerde ishki tártip hám qadaǵalaw ótkeriw rejimlerin támiyinlew;
• qorǵaw jumısına zamanagóy málimleme-kommunikaciya hám jasalma intellekt texnologiyaların keńnen engiziw.
Sonday-aq, 2026-jıl 1-yanvardan qorǵawǵa alınǵan bankler, iri óndiris kárxanaları, jergilikli hákimlikler hám basqa da obektlerdiń puqaralar kiriw hám shıǵıw orınlarına basqıshpa-basqısh shaxstıń júzin tanıytuǵın imkaniyatqa iye texnikalıq qurallar ornatıladı,- dep málimleme beredi xs.uz saytı.

Qaraqalpaqstan xabar agentligi