Erisilgen nátiyjeler:

– jasalma intellekt hám sanlı texnologiyalar baǵdarında derlik 2 milliard dollar tikkeley investiciyalar tartıldı, IT xızmetleri eksportınıń kólemi ótken jıllarǵa salıstırǵanda 4,5 esege ósip, 1 milliard dollarǵa shamalastı;
– IT tarawında bilim berip atırǵan joqarı bilimlendiriw mákemeleri derlik 3 esege artıp, 145 ke, studentler sanı bolsa 80 mıńǵa jetti, “Bir million programmist” joybarı sheńberinde 2 millionnan aslam jaslar bilim hám kónlikpelerin arttırdı;
– mámleketimizdiń barlıq aymaqlarınan 20 mıń informatika muǵallimi Jańa Ózbekstan universitetinde AQShtıń abıraylı MIT joqarı oqıw ornı menen birgelikte shólkemlestirilgen intensiv tayarlaw kurslarınan ótpekte;
– sanlı diagnostika arqalı 50 mıńnan aslam nawqasqa anıq diagnoz qoyıldı, medicinalıq xızmet kórsetiw waqtı 5-7 esege qısqardı;
– Qaraqalpaqstanda ótkerilgen mammografiyalıq tekseriwler kórinisleriniń 70 procenti elimiz qánigeleri tárepinen jaratılǵan jasalma intellekt platforması arqalı tallanıp, olardıń 98 procenti shıpakerler tárepinen tastıyıqlandı. Diagnoz qoyıw waqtı birneshe kúnnen 2 saatqa shekem qısqardı;
– startaplardıń sanı 10 esege ósti, olarǵa 300 million dollarlıq investiciyalar tartıldı, Saudiya Arabstanı menen bahası 3 milliard dollar bolǵan birinshi jasıl maǵlıwmatlar orayın qurıw baslandı.

Qaraqalpaqstan xabar agentligi