Tashkent qalasında dawam etip atırǵan «Prezident Olimpiadası»nda keshe grek-rim, jeńil atletika hám awır atletika boyınsha finallıq bellesiwler, boks sport túrinen tańlap alıw basqıshları bolıp ótti.

Quwanıshlı tárepi sonda, bul jarısta grek-rim gúresi boyınsha respublikamız palwanı 51 kg salmaq kategoriyasında Aǵabek Orazbaev sıylı úshinshi orındı iyelewge miyasar boldı.
Grek-rim gúresi boyınsha bellesiwler búgin de dawam etip, onda 10 sportshımız 5 salmaq kategoriyasında medallar ushın gúreske túsedi.
Jeńimpaz palwanımızdı jarısqa tájiriybeli trenerlerden Rustem Ernazarov hám Paxratdin Pranatdinovlar tayarladı.

Adilbay Orazov,
Qaraqalpaqstan xabar agentligi sholıwshı