Mámleketimiz basshısınıń tapsırması tiykarında Bajıxana komitetine ayrıqsha baǵdarlamaǵa muwapıq aymaqlarda birewden ulıwma bilim beriw mektebinde qurılıs-ońlaw jumısların shólkemlestiriw wazıypası júkletilgen.

Usı tiykarda Qaraqalpaqstan Respublikası bajıxana basqarması tárepinen Shımbay rayonındaǵı “Doslıq” mákan puqaralar jıyını aymaǵında jańadan mektep hám sport zal qurıw jumısları belgilengen edi. Bul obektler boyınsha joybarlaw-smeta hújjetleri tayarlanıp, qurılıs jumısları baslap jiberildi.
Házirgi kúnde bul mektep hám sport zalı tayar jaǵdayǵa keltirilmekte. Barlıq klass xanaları zamanagóy úskeneler menen támiyinlenip, oqıwshılarǵa búgingi kúnniń talabına say sharayatlar jaratıladı. 330 orınǵa mólsherlengen bilimlendiriw orayı jaqın kúnlerde paydalanıwǵa tapsırıladı.

ÓzA