Sońǵa waqıtları «Baslamalı byudjet» tiykarında jeńimpaz bolǵan aymaqlarda abadanlastırıw isleri alıp barılıp, xalqımızǵa qolaylı sharayatlar jaratılmaqta. Házirgi waqıtta da bul baǵdarlamanıń usı jıldaǵı ekinshi máwsimi dawam etip, orınlarda juwapkerler tárepinen qızǵın jumıslar ámelge asırılmaqta.

Nókis rayonı aymaǵındaǵı jergilikli áhmiyetke iye 95V087 “95V130 avtomobil jolı (5 km.den) – “Qutankól” APJ – Mamıqshı awılı – “Kerder” APJ” avtomobil jolınıń 14-15-kilometr bóleginde asfaltlaw jumısları alıp barıldı. Bul jumıslar Nókis rayonı jollardan paydalanıw mámleketlik shólkemi tárepinen ámelge asırıldı. Atap ótiw orınlı, bul jol uchastkası “Baslamalı byudjet” baǵdarlamasınıń 2025-jıl 2-máwsiminde jeńimpaz bolǵan edi.

I.Utewliev, Berdaq atındaǵı QMU dıń qaraqalpaq filologiyası jurnalistika fakultetiniń 4-kurs studenti, Qaraqalpaqstan xabar agentligi.