“Ózbek-Francuz universitetin shólkemlestiriw ilajları haqqında”ǵı Prezident qararı (PQ-354-sanlı, 26.11.2025 j.) qabıl etildi. Bul haqqında “Huquqiy axborot” telegram-kanalı xabar berdi.

Onda aytılıwınsha, universitet óz jumısın Ózbekstan nızamshılıǵınıń talapları hám Franciya universitetleri konsorciumınıń usınısları tiykarında ámelge asıradı.
Universitette dáslepki basqıshta magistratura, keyin ala basqıshpa-basqısh bakalavriat hám doktoranturada kadrlar tayarlaw jolǵa qoyıladı.
Sonday-aq, Universitetke kiriw ushın tayarlaw kursı engiziledi.
Bilimlendiriw procesi maqsetli mámleketlik grant hám tólemli-kontrakt tiykarında ámelge asırıladı.
Pitkeriwshilerge universitet diplomi hám (yamasa) Franciya Respublikasında akkreditaciyadan ótken bilimlendiriw baǵdarlamaları boyınsha konsorcium quramına kirgen tiyisli Franciya universitetiniń diplomı beriledi.
Bunda pitkeriwshilerge berilgen diplom Ózbekstan Respublikasında tán alınadı.

Qaraqalpaqstan xabar agentligi