Ózbekstanda turaq jay bazarı ushın jańa model – korporativ buyırtpa mexanizmi jolǵa qoyıladı. Iri kárxanalar óz xızmetkerleri ushın turaq jaylardı tikkeley satıp alıwı 2026-jıldan baslap mámleket tárepinen xoshametlenedi.

Xalıq turaq jay satıp alıwı usı waqıtqa shekem tiykarınan individual ipoteka hám jeke qarjılarǵa súyenip kelgen edi.
Korporativ buyırtpa bolsa bazar ushın pútkilley jańa segment bolıp, óndiris kárxanaları arqalı:
– turaqlı hám kepillikli talap qáliplesedi;
– jumısshılar ushın turaq jayǵa iye bolıw shártleri jeńillestiriledi;
– kárxanalar ushın kadrlar turaqlılıǵı kúsheyedi.
Prezident bul ámeliyattı qollap-quwatlap, 2026-jıldan kárxanalar ushın arnawlı salıq, kredit hám subsidiya mexanizmleri islep shıǵılatuǵının atap ótti. Sistema pútkil respublika boylap basqıshpa-basqısh engiziledi, -dep málimleme beredi xabar.uz saytı.

Qaraqalpaqstan xabar agentligi