Húkimet qararı (740-sanlı, 24.11.2025 j.) menen Ministrler Kabinetiniń ayırım qararlarına ózgerisler hám qosımshalar kirgizildi. Bul haqqında “Huquqiy axborot” Telegram-kanalı málim etti.

Onda aytılıwınsha, úyde jeke tártipte oqıtılatuǵın oqıwshılardı, sonıń ishinde, 1 qatar jastaǵı hám 1 mánzildegi 2 hám onnan artıq oqıwshılardı oqıtqanı ushın mektep muǵallimlerine BEMnıń 1 esesi muǵdarında aylıq jol kompensaciyası tólenedi.
Kompensaciya mektepten usı oqıwshınıń jasaw ornına shekem keminde 1,5 km bolǵanda hám oqıwshıǵa biriktirilgen bir neshe muǵallimlerge kompensaciya olardıń hár ayda ámelde ótkeretuǵın oqıw saatlarınıń úlesinen kelip shıǵıp, úyde oqıp atırǵanlardıń oqıw rejesindegi oqıw saatlarınıń muǵdarına proporcional tóleniwi belgilengen.
Sonday-aq, mámleketlik mektepke shekemgi bilimlendiriw shólkeminiń tárbiyashısı hám medicina miyirbiykeleri waqtınsha jumısta bolmaǵan dáwirde olardıń wazıypasın orınlaw ushın ishki buyrıqlar orınbasarlıq tiykarında rásmiylestiriledi.
Bunda orınlanǵan jumıs ushın 100 procent muǵdarında (basqa lawazımlar ushın 50 procent muǵdarında) miynet haqı tólenedi.
Bul jaǵdayda orınbasarlıq tiykarında jumıs alıp barǵan xızmetkerdiń jámi jumıs júklemesi 1,5 stavkadan artıq bolıwına jol qoyılmaydı.

Qaraqalpaqstan xabar agentligi