Elimizde mámleketlik qarjını basqarıw sistemasın zamanagóy talaplar tiykarında jetilistiriw hám byudjet procesiniń nátiyjeliligin bunnan bılay da arttırıw maqsetinde programmalıq byudjetlestiriw sistemasın engiziw jumısları izbe-iz dawam ettirilmekte.

Ekonomika hám qarjı ministrligi tárepinen shólkemlestirilip atırǵan ministrlikler hám uyımlar qánigeleriniń institucionallıq potencialın kúsheytiwge qaratılǵan oqıw-seminarları usı maqsetler menen baylanıslı.
Bul ilajlar “Ernst & Young Advisory LLC” va “Ecorys Nederland” xalıqaralıq konsalting kompaniyalarınıń ekspertleriniń qatnasıwında shólkemlestirildi.
Ministrlik hám Jáhán banki járdeminde ámelge asırılıp atırǵan “Institucionallıq potencialdı arttırıw” joybarı sheńberinde ótkerilgen ilajlarda baǵdarlamalıq byudjetlestiriwdiń tiykarǵı principleri, nátiyjege baǵdarlanǵan rejelestiriw procesi hám byudjet baǵdarlamaları pasportların dúziw tártibi boyınsha tolıq maǵlıwmat berildi. Sonıń menen birge, byudjet qárejetlerin tallaw, nátiyjelerdi belgilew, indikatorlardı islep shıǵıw hám baǵdarlamalardıń orınlanıwın monitoring etiw boyınsha ámeliy sabaqlar ótkerildi.
Ekspertlerdiń atap ótiwinshe, bunday ilajlar mámleketlik uyımlar qánigeleriniń potencialın arttırıw, olardıń zamanagóy byudjetlestiriw mexanizmlerin tereń túsiniwi hám nátiyjeli qollanıwında ayrıqsha áhmiyetke iye. Sonday-aq, seminarlar nátiyjesinde ministrlikler hám uyımlar arasında tájiriybe almasıw, birden-bir standartlar tiykarında rejelestiriw hám esabat beriw processlerin jetilistiriw imkaniyatı payda boladı. Sóylesiwler mámleketlik qarjını basqarıwdıń nátiyjeliligin arttırıw, resurslardan maqsetli hám únemli paydalanıw jáne jámiyet máplerine sáykes keletuǵın mámleketlik baǵdarlamalar menen joybarlardı ámelge asırıwda ayrıqsha áhmiyetke iye.
Ilajlar dawamında sırt ellerdiń aldınǵı tájiriybeleri mısalında programmalıq byudjetlestiriwdiń abzallıqları, onıń nátiyjelilikti arttırıwdaǵı ornı hám Ózbekstan sharayatında qollanıw imkaniyatları dodalandı. Juwmaqlawshı nátiyjelerge bola, qánigeler arasındaǵı pikir alısıwlar byudjet processlerin reformalaw, resurslardı maqsetli baǵdarlaw hám nátiyjelilikke erisiw boyınsha jańa qatnaslardı qáliplestiriwge xızmet etedi.

ÓzA