Oliy Majlis Nızamshılıq palatasınıń gezektegi májilisi óz jumısın basladı. Onda mámleketimizdiń jámiyetlik-siyasiy turmısına baylanıslı bir qatar máselelerdiń kórip shıǵılıwı názerde tutılǵan.

Dáslep usı jıl 19-noyabr kúni Prezidenttiń basshılıǵında bolıp ótken kámbaǵallıqtı qısqartıw hám xalıqtıń bántligin támiyinlew baǵdarındaǵı jumıslardıń juwmaǵı hám kelesi jıl ushın tiykarǵı wazıypalar boyınsha videoselektor májilisinde belgilep berilgen wazıypalarǵa toqtap ótti.
Nızamshılıq palatasınıń Spikeri N.Ismoilov elimizde kámbaǵallıqtı qısqartıw, bántlikti támiyinlew, mútáj xalıq wákilleriniń máplerin qorǵaw baǵdarında bir qatar unamlı jumıslar ámelge asırılıp atırǵanın atap ótti.
Videoselektor májilisinde usı jıldıń basınan berli jumıssızlıq 4,9 procentke túskeni, birinshi márte 1 mıń 435 máhálle kámbaǵallıqtan jıraq aymaqqa aylanǵanı ayrıqsha atap ótildi. Bar imkaniyatlar tallandı. Keleshektegi wazıypalar belgilep berildi.
Bul baǵdarda siyasiy partiyalardıń frakciyaları óz ilajlar rejelerin dodalap, wazıypalardı belgilep alǵanı atap ótildi.

ÓzA