Joqarı bilimlendiriw shólkemleri óz studentlerin sociallıq qorǵaw sheńberinde 1 jılda bir studentke miynetke haqı tólewdiń eń az muǵdarınıń 6 esesine shekem materiallıq járdem kórsetiwi múmkin boladı.

Bul haqqında Ádillik ministrliginde dizimnen ótkerilgen “Bilimlendiriw shólkemlerinde tólemli-kontrakt túri hám onnan túsken qarjılardı bólistiriw tártibi haqqında”ǵı rejege kirgizilgen ózgerislerde sóz baradı.
Oǵan bola, joqarı bilimlendiriw shólkemlerinde kontrakt tiykarında oqıw ushın tólem tómendegi múddetlerde ámelge asırıladı:
– tólem muǵdarınıń keminde 25 procenti – abiturientler ushın 15-sentyabrge shekem hám joqarı basqısh studentleri ushın 1-oktyabrge shekem yamasa joqarı bilimlendiriw shólkemi rektorı tárepinen sozdırılatuǵın múddetke shekem;
– tólem muǵdarınıń keminde 50 procenti 1-yanvarǵa shekem, 75 procenti 1-martqa shekem hám 100 procenti 1-mayǵa shekem yamasa joqarı bilimlendiriw shólkemi rektorı tárepinen sozdırılatuǵın múddetke shekem ámelge asırıladı.
Onda, Mámleketlik komissiya joqarıdaǵı tólem múddetlerin sozıwı múmkin.
Kontraktten túsken qarjılar sırt el joqarı bilimlendiriw shólkemlerinde perspektivalı jas pedagog hám ilimiy kadrlardıń mamanlıǵın arttırıw hám olardıń stajirovka ótewine jumsaladı, – dep málimleme beredi xabar.uz saytı.

Qaraqalpaqstan xabar agentiligi