Oraylıq Aziya mámleketleri joqarı bilimlendiriw hújjetlerin óz-ara tán alıw haqqında kelisimge eristi. Bul Qazaqstan húkimeti tárepinen tiyisli Kelisim joybarı maqullanǵanınan soń málim boldı.

Hújjetke bola, tárepler milliy nızamshılıqqa muwapıq akkreditaciyadan ótken universitetler tárepinen berilgen diplomlardı tán aladı.
Diplomlardı tán alıw hújjetlerde kórsetilgen qánigelikler joqarı bilimlendiriw sistemasınıń ulıwma talaplarına juwap bergen jaǵdayda múmkin boladı. Tán alıw tek ǵana joqarı bilimlendiriw sistemasınıń talaplarında úlken muwapıq emeslikler anıqlanǵan jaǵdayda ǵana biykar etiliwi múmkin.

Qaraqalpaqstan xabar agentligi