Mámleketimiz basshısı Uzun rayonın úlgili aymaqlardan biri sıpatında atap ótti. 51 máhállesi bolǵan rayonǵa bıyıl kámbaǵallıqtı qısqartıw hám bántlik baǵdarlamaları sheńberinde 160 milliard sum qarjı berilgen.

Rayonǵa 70 million dollar sırt el investiciyası alıp kelindi, 47 kárxana iske qosıldı, 300 servis obektinde 1 mıń adam jumıslı boldı, 9 máhálle júzimgershilikke qánigelestirilip, isbilermen menen xalıq arasında kooperaciya jolǵa qoyıldı, 2 mıńnan aslam mikro joybarda 4 mıń 200 adam dáramatlı boldı.
Usılardıń esabınan Uzun rayonında jıldıń basınan kámbaǵallıq dárejesi 10,5 procentten 3 procentke azaydı.
Sonıń menen birge, Uzun rayonına salıstırǵanda 4,5 ese kóp qarjı alǵan Denov rayonı hákimligi jumıslardı óz halına taslap qoyǵanı kórsetip ótildi. Kámbaǵal shańaraqlar reestrine kirgeninen berli 1200 shańaraqtıń dáramatında ózgeris bolmaǵan.
Yamasa CHiroqchi rayonına usı jılı máhállede isbilermenlikti rawajlandırıw ushın kreditke 309 milliard sum resurs berilgen. Biraq rayon hákimligi sonsha resursı menen de adamlarǵa imkaniyatına jarasa tayar joybar bermegen.
Sol sebepli, Denov rayonı hákimi I.Abrorov, onıń birinshi orınbasarı Sh.Twraqulov, Shıraqshı rayonı hákimi F.Yusupov, onıń birinshi orınbasarı Z.Ergashev jumıstan bosatılıwı belgilendi.
Prezident Shavkat Mirziyoevtiń basshılıǵında videoselektor májilisi dawam etpekte.

ÓzA