Kún tártibinde – máhállelerde xalıqtıń dáramatın arttırıw, kámbaǵallıq hám jumıssızlıqtı qısqartıw boyınsha islengen jumıslar hám 2026-jılǵı wazıypalar.

Mámleketimiz basshısı bul baǵdarda barlıq zárúr finanslıq hám shólkemlestiriw máseleleri sheship berilgenin atap ótti.
Sonıń ishinde, tómende jumıslardı durıs shólkemlestiriw, máhálleme-máhálle júrip, jańa baslamalardı tawıp, adamlardıń turmısın jaqsılawǵa juwapker bolǵan wálayat, rayon hákimleri hám olardıń xızmetkerleriniń materiallıq-texnikalıq imkaniyatları túp-tiykarınan jaqsılandı.
– Endi ministrler, hákimler, basshılar ózine soraw bersin: sonsha jaratılǵan sharayattan, imkaniyattan qay dárejede paydalanıp atır? Ne nátiyje berip atır? Reformalarımız nátiyjesi hár bir shańaraqqa, hár bir úyge kirip barmaqta ma? Adamlar bunı qalay sezinbekte?
Bunday sorawlar kóp. Barlıq basshılar tayar tursın. Jıl juwmaqlanıp atır, búgin nátiyjelerdi tallap, ayırımlarına juwmaq shıǵaraman, – dedi Prezidentimiz.

ÓzA