Endi attestaciya sorawlarınıń qánigelik páninen yamasa kásiplik standartlardan ekenligin anıqlaw múmkin boladı. Bul haqqında “Tálim qadaǵalawı” Telegram-kanalı xabar berdi.

Mektepke shekemgi, ulıwma orta hám mektepten tısqarı bilimlendiriw mákemeleriniń pedagogları ushın usı jıldıń avgust-dekabr aylarında ótkeriletuǵın mamanlıq kategoriyası sınaqları usı jıldıń 21-oktyabr kúninen baslap dawam etpekte.
Endi pedagoglar tájiriybe (test) sınaqlarınıń birinshi basqıshında berilgen 40 sorawdıń qaysı biri qánigelik páninen hám qaysı biri kásiplik standartlardan ekenligin óz aldına talqılawı múmkin.
Bunıń ushın pedagoglar jeke kabinetinen qánigelik sınaq nátiyjesi balları kórsetilgen jerdegi “Tolıq” túymesin basıwı kerek boladı.
– Tórtmúyeshlik formalar – qánigelik páninen berilgen sorawlar;
– Dóńgelek formalar – kásiplik standartlardan berilgen sorawlar.
«@PedagogEduBot» arqalı bolsa pedagoglar ushın attestaciya aldınan biypul diagnostikalıq testlerdi islep, aqshalay jeńiske iye bolıwıńız múmkin, – dep málimleme beredi xs.uz saytı.

Qaraqalpaqstan xabar agentligi