Kóksaray rezidenciyasında Túrkmenstan Prezidenti Serdar Berdimuhamedovqa Ózbekstan Respublikasınıń joqarı mámleketlik sıylıǵı – “Oliy Darajali Dwstlik” ordenin tapsırıw máresimi bolıp ótti.

Mámleketimiz basshısı abıraylı sıylıqtı tapsırıp, bul qarar Túrkmenstan Prezidentiniń eki tuwısqan mámleket arasındaǵı doslıq, óz-ara isenim hám strategiyalıq sheriklikti bekkemlewdegi jetiskenliklerine Ózbekstan xalqınıń qızǵın húrmeti hám tán alıwınıń kórinisi ekenin atap ótti.
– Siz ákeńiz, Túrkmen xalqınıń milliy jetekshisi, Túrkmenstan Xalıq Másláháti Baslıǵı Gurbanguli Berdimuhamedovtıń jumısın múnásip dawam ettirip atırsız. Mámleketińizde xalıqtıń abadanlıǵın támiyinlew ushın isenimli tiykar jaratıp atırǵan keń kólemli joybarlar ámelge asırılmaqta, – dedi mámleketimiz basshısı.
Usı jılı Túrkmenstanda “Xalıqaralıq tınıshlıq hám isenim jılı” jáne mámleket Biytárepliginiń 30 jıllıǵına baǵıshlanǵan iri ilajlar ótkerilmekte.
Serdar Berdimuhamedovtıń kóp qırlı Ózbekstan – Túrkmenstan qatnasıqların keńeytiwge qosqan úlesi qanaatlanıwshılıq penen atap ótildi. Bul, birinshi gezekte, sawda-ekonomikalıq hám birge islesiw baylanıslarınıń hár tárepleme rawajlanıp atırǵanlıǵınan derek beredi. Úlken joybar – “Shavat-Tashawız” shegara aldı sawda zonası iske qosıldı. Energetika, transport hám logistika tarawlarında óz-ara paydalı birge islesiw rawajlanbaqta.
Bul sıylıq bekkem doslıq hám jaqsı qońsıshılıq tımsalına aylanatuǵını atap ótildi. Óz gezeginde, Túrkmenstan Prezidenti Ózbekstan jetekshisi hám xalqına joqarı tán alǵanı ushın minnetdarshılıq bildirdi jáne eki mámleket arasındaǵı strategiyalıq sheriklik qatnasıqların bunnan bılay da bekkemlewge umtılısı isenimli ekenin atap ótti.

ÓzA