Dushanbe qalasında bolıp ótken ǴMDA Parlamentleraralıq assambleyasınıń 59-jalpı májilisi sheńberinde Tájikstan Respublikası Prezidenti Emomali Rahmon parlamentlerdiń basshıları menen ushırastı.

Onda Ózbekstan Oliy Majlisi Senatınıń baslıǵı Tanzila Norboeva da qatnastı.
Sóylesiw waqtında ǴMDA sheńberindegi birge islesiwdi bunnan bılay da rawajlandırıw, mámleketler arasındaǵı parlamentleraralıq qarım-qatnastı kúsheytiw jáne regionallıq turaqlılıq hám óz-ara isenimdi bekkemlew máseleleri dodalandı.
Ilaj qatnasıwshıları Prezident Emomali Rahmonnıń Dushanbedegi “Qasri Millat” mámleketlik sarayında bolıp, bul jerdiń tariyxıy hám arxitekturalıq áhmiyeti menen jaqınnan tanıstı.

N.Abduraimova, ÓzA