Respublikamızda jasawshı puqaralardıń densawlıǵın saqlaw, olardaǵı keselliklerdi erte anıqlaw ushın biypul medicinalıq tekseriwlerden ótkeriw hám operaciyalardı ámelge asırıw maqsetinde jaqında Nókis qalasında bolıp ótken «Salamatlıq marafonı» áyne payıtta Xojeli rayonında dawam etpekte.

Usı jıldıń 3-30-noyabr kúnleri aralıǵında rayon aymaǵında “Salamatlıq marafonı” ótkeriliwi belgilengen bolıp, rayon xalqı biypul medicinalıq kórikten ótkerilmekte. Salamatlıq ilajı sheńberinde xalıqtıń keń qatlamın profilaktikalıq tekseriw hám skrining tekseriwlerine tartıw, xalıqtıń ózi hám perzentleriniń salamatlıǵına juwapkershiligin hám kesellikler profilaktikası túsinigin qáliplestiriw hám rawajlandırıw, juqpalı bolmaǵan kesellikler, sonıń ishinde, júrek-qan tamır kesellikleri, qantlı diabet, rak sıyaqlı keselliklerdiń profilaktikası boyınsha xabardarlıǵın arttırıw hám profilaktikalıq ilajlar ámelge asırılmaqta.
Búgin 14-noyabr kúni Xojeli medicina birlespesi tárepinen ámelge asırılıp atırǵan jumıslar nátiyjeligi menen tanısıw maqsetinde rayon hákimligi tárepinen ǵalaba xabar quralları wákilleriniń qatnasıwında press tur shólkemlestirildi. Ǵalaba xabar quralları wákilleri «Salamatlıq marafonı» ilajı sheńberinde medicina birlespesinde xalıqqa kórsetilip atırǵan medicinalıq xızmet túrleri menen tanısıp, shıpakerler menen birgelikte nawqaslardıń jaǵdaylarınan xabar alıp, ótkerilip atırǵan ámeley processlerge qatnastı.
Ilaj sheńberide Tashkent qalası Respublikalıq Milliy orayınan tar taraw qánigeleri tárepinen júrek-qan tamır kesellikleriniń aldın alıw maqsetinde rayondaǵı jeńilletilgen toparǵa kiriwshi hám pensiya jasındaǵı puqaralar “Angiografiya” tekseriwinen ótkerilmekte. Ǵalaba xabar quralları wákilleri usı ámeliyatqa qatnasıp, shıpakerlerdiń nawqasqa kardiologiyalıq kesellikti endoskopiyalıq usılda anıqlaw procesin kózden ótkerdi.
-Salamatlıq marafonı aylıǵında “Kókirek bezi ragi” kesellikleriniń profilaktikası boyınsha 45-65 jastaǵı 800 den aslam hayal-qızlardı profilaktikalıq tekseriw hám skrining tekseriwler ótkeriw rejelestirilgen bolıp, házirgi waqıtta 394 hayal-qızlar skriningten ótkerildi. 798 2-10 jas aralıǵındaǵı balalardı “Gelmintoz” keselligine tekseriw rejelestirilgen bolıp sonnan 402 i skrining tekseriwinen ótkerildi. 3-18 jas aralıǵındaǵı 1508 balanı “Onkogemotologiyalıq” kesellikke tekseriw rejelestirilgen. Sonnan 954 i skrining tekseriwinen ótkerildi,- deydi Xojeli rayonı medicina birlespesi baslıǵı I. Palwanov.

Mámleketimiz basshısınıń tapsırmasına muwapıq respublikamızdı sociallıq-ekonomikalıq rawajlanıwın jetilistiriw maqsetinde Buxara wálayatı Xojeli rayonına biriktirilgen edi. Rayonda medicinalıq xızmettiń sapasın arttırıw hám xalıqtıń salamatlıǵın jaqsılaw maqsetinde Buxara wálayatı Densawlıqtı saqlaw basqarması baslıǵı Elyor Oltiev basshılıǵındaǵı 30 buxaralı shıpakerden ibarat bolǵan jumısshı topar 13-noyabrden baslap rayonda bolıp, xalıqtı medicinalıq tekseriwdan ótkerip, ámeliy járdemler berilmekte.
Buxara wálayatı densawlıqtı saqlaw basqarması hám Qaraqalpaqstan Respublikası Xojeli rayonı medicina birlespesi arasında birge islesiw memorandumına qol qoyıldı.
Bul memorandum sheńberinde Buxara wálayatınan qánigeler bir hápte dawamında Xojeli rayonı medicina birlespesinde tekseriwler shólkemlestirip, xirurgiyalıq ámeliyatlardı ótkeriw rejelestirilgen.
Bul óz gezeginde, xalıq ushın medicinalıq xızmet sapasın arttırıwǵa xızmet etedi. Sapardan maqset rayonda jergilikli hayal-qızlar menen birgelikte 50 ge shamalas joqarı texnologiyalı xirurgiyalıq ámeliyatlardı ótkeriw, salamat turmıs tárizin úgit-násiyatlaw, mektepke shekemgi hám mektep bilimlendiriw sistemasındaǵı balalardıń densawlıǵın tekseriw, sonday-aq, shıpakerler menen tájiriybe almasıwdan ibarat.
Mámleketimiz basshısınıń tapsırmasına muwapıq, wálayatlar Aralboyınıń sociallıq-ekonomikalıq rawajlanıwın jedellestiriw maqsetinde Buxara wálayatı Qaraqalpaqstan rayonına birlestirildi.
Qaraqalpaqstan Respublikasınıń Xojeli rayonında medicinalıq xızmettiń sapasın hám xalıqtıń salamatlıǵın jaqsılaw maqsetinde Buxara wálayatı Densawlıqtı saqlaw basqarması baslıǵı Elyor Oltiev basshılıǵındaǵı 30 buxaralı shıpakerden ibarat bolǵan jumısshı topar 13-noyabr kúni Xojeli rayonına jetip keldi.
Buxara wálayatı densawlıqtı saqlaw basqarması hám Qaraqalpaqstan Respublikası Xojeli rayonı medicina birlespesi arasında birge islesiw memorandumına qol qoyıldı.
Bul memorandum sheńberinde Buxara wálayatınan qánigeler bir hápte dawamında Xojeli rayonı medicina birlespesinde tekseriwler shólkemlestirip, xirurgiyalıq ámeliyatlardı ótkeriw rejelestirilgen. Bul óz gezeginde, xalıq ushın medicinalıq xızmet sapasın arttırıwǵa xızmet etedi. Sapardan maqset – Xojeli rayonında jergilikli hayal-qızlar menen birgelikte 50 ge shamalas joqarı texnologiyalı xirurgiyalıq ámeliyatlardı ótkeriw, salamat turmıs tárizin úgit-násiyatlaw, mektepke shekemgi hám mektep bilimlendiriw sistemasındaǵı balalardıń densawlıǵın tekseriw, sonday-aq, jergilikli shıpakerler menen tájiriybe almasıw.
-Balamnıń dem alıwı qıyın edi. Buxaralı shıpakerler kórikten ótkerip, dem alıw jolında kesellik bar ekenin anıqladı hám biypul opreaciya isledi. Házir balamnıń jaǵdayı jaqsı. Bul ushın shıpakerderden minnetdarmız,- deydi rayon turǵını Maral Saparova.
Bunnan soń ilaj qatnasıwshıları «Mustaqillik» APJ aymaǵında bolıp jergilikli xalıqqa buxaralı orta buwın medicina xızmetkerleriniń salamat turmıs tárizi boyınsha alıp barıp atırǵan úgit-násiyat jumısları menen tanıstı. Shańaraqlarǵa kirip olarǵa medicinalıq túsinikler ótkerdi.

G.Turdıshova, Qaraqalpaqstan xabar agentligi