15-16-noyabr kúnleri Ózbekstan Respublikası Prezidenti Shavkat Mirziyoevtiń mirát etiwine bola, Qırǵızstan Respublikası Prezidenti Sadir Japarov Oraylıq Aziya mámleket basshılarınıń jetinshi másláhát ushırasıwında qatnasıw ushın Tashkentte ámeliy sapar menen boladı.

Bul haqqında Qırǵızstan prezidenti Administraciyası Sırtqı siyasat basqarmasınıń baslıǵı Saginbek Abdumutalip málim etti.
“Oraylıq Aziya mámleket basshılarınıń jetinshi másláhát ushırasıwı regionallıq birge islesiw perspektivalarına baylanıslı áhmiyetli máselelerdi dodalawǵa qaratılǵan.
Sapar etiw sheńberinde Qırǵızstan prezidenti Sadir Japarov hám Ózbekstan Respublikası Prezidenti Shavkat Mirziyoev arasında eki tárepleme ushırasıw rejelestirilgen,” dep atap ótti Saginbek Abdumutalip.
Esletip ótemiz, búgin, 14-noyabr kúni Qazaqstan jetekshisi Qasım-Jomart Toqaev Prezident Shavkat Mirziyoevtiń mirát etiwine bola, mámleketlik sapar menen Tashkent qalasına keldi, – dep málimleme beredi xabar.uz saytı.

Qaraqalpaqstan xabar agentligi