“Mámleketlik finanslıq qadaǵalaw uyımları hám ishki audit xızmetleri tárepinen Ózbekstan Respublikası Esap palatasınıń “Mámleketlik audit” programmalıq kompleksinen paydalanıw tártibi haqqında”ǵı reje Ádillik ministrliginde mámleketlik dizimnen ótkerildi. Bul haqqında “Huquqiy axborot” Telegram – kanalı málim etti.

Onda aytılıwınsha, bul rejelerge bola, “Mámleketlik audit” baǵdarlamasınan paydalanıwdıń tiykarǵı wazıypaları tómendegiler bolıp esaplanadı, atap aytqanda:
– qadaǵalaw (audit) ilajların dizimge alıw;
– mámleketlik finanslıq qadaǵalaw uyımları hám ishki audit xızmetleriniń jıllıq jumıs rejelerine kirgiziletuǵın qadaǵalaw (audit) ilajların májbúriy tártipte Esap palatası menen kelisiw.
“Mámleketlik audit” baǵdarlamasında paydalanıwshı subektler sıpatında tómendegiler dizimnen ótkeriledi hám olarǵa tómendegi kiriw huqıqları beriledi:
– mámleketlik finanslıq qadaǵalaw uyımları jáne mámleketlik uyımlar hám shólkemlerdiń basshısı hám orınbasarı ushın – “tastıyıqlawshı” huqıqı;
– mámleketlik finanslıq qadaǵalaw uyımları hám mámleketlik uyımlar hám shólkemler basshısınıń orınbasarı, strukturalıq bólimleriniń baslıqları ushın – “maqullawshı” huqıqı;
– mámleketlik finanslıq qadaǵalaw uyımları hám ishki audit xızmeti xızmetkerleri (2 adamǵa shekem) ushın – “operator” huqıqı;
– mámleketlik finanslıq qadaǵalaw uyımları hám ishki audit xızmetiniń “operator” huqıqı berilmegen xızmetkerleri ushın – “paydalanıwshı” huqıqı.
Sonday-aq, mámleketlik finanslıq qadaǵalaw uyımları jáne mámleketlik uyımlar hám shólkemler tárepinen “Mámleketlik auditi” baǵdarlamasında dizimnen ótkeriw ushın Esap palatasına sorawnama usınıladı.
Bunnan tısqarı, “Mámleketlik auditi” baǵdarlamasında dizimnen ótpegen qadaǵalaw (audit) ilajları nızamsız esaplanadı,- dep málimleme beredi xs.uz sayti.

Qaraqalpaqstan xabar agentligi