Tashkent qalasında Ullı Britaniyanıń Patshalıq qorı (The King’s Foundation) menen birgelikte Dástúriy kórkem ónerler mektebi shólkemlestiriliwi múmkin. Onıń statusı qosımsha bilimlendiriw shólkemine teńlestiriledi.

Bul boyınsha Húkimettiń tiyisli qararınıń joybarı járiyalandı.
Atap ótiliwinshe, bul qarar dástúriy hám ámeliy kórkem óner tarawında professional kadrlar tayarlaw sistemasın shólkemlestiriw, akademiyalıq hám ilimiy almasıwlarǵa járdemlesiw, sonday-aq, Ózbekstan hám Ullı Britaniya arasında mádeniy birge islesiwdi jáne de rawajlandırıwdı názerde tutadı.
Mekteptiń tiykarǵı baǵdarı milliy hám xalıqaralıq bilimlendiriw standartlarına muwapıq dástúriy hám ámeliy kórkem óner tarawında joqarı mamanlıqtaǵı qánigeler tayarlawdı támiyinlew bolıp esaplanadı.
Mektep Islam civilizaciyası orayı janındaǵı Xattotlıq mektebiniń Tashkent qalası, Almazar rayonında jaylasqan imaratına biypul paydalanıw huqıqı tiykarında jaylastırıladı,- dep málimleme beredi xabar.uz saytı.

Qaraqalpaqstan xabar agentligi