Sońǵı waqıtları alkogol ónimlerin paydalanıp, salamatlıǵına zıyan jetkergen yamasa usınday ónimler sebepli qaytıs bolǵan shaxslar haqqında xabarlar kóp tarqalmaqta.

Soǵan qaramastan, insannıń kúshli záhárleniwine hátteki ólimine sebep bolıwı múmkin bolǵan qolbala islengen, hesh bir standart talaplarına juwap bermeytuǵın spirtli ishimliklerdi tutınıwshılarǵa jetkerip beriw hám olardı aldap satıw jaǵdayları, tilekke qarsı, ushırasıp tur.
Atap aytqanda, Májbúriy orınlaw byurosı Nókis qalalıq bóliminiń is júrgiziwinde bolǵan, Jınayat isleri boyınsha sudlardıń qararlarına tiykarlanıp Bas prokuratura janındaǵı Ekonomikalıq jınayatlarǵa qarsı gúresiw departamenti tárepinen alıp qoyılǵan.
5 mıń 888 litr alkogol ónimleri hám 2 mıń 193 litr etil spirtin joq etiw belgilengen.
Usı sud qararlarınıń orınlanıwın támiyinlew maqsetinde Byuronıń Qaraqalpaqstan Respublikası basqarması hám Nókis qalalıq bólimi xızmetkerleri tárepinen alıp barılǵan orınlaw háreketleri nátiyjesinde joq etiliwi belgilengen ónimler tiyisli uyımlardıń xızmetkerleri qatnasıwında usı jıldıń 12-noyabr kúni joq etilip, sud qararlarınıń orınlanıwı ámelde támiyinlendi.

Qaraqalpaqstan xabar agentligi.