Fotoreportaj

Qaraqalpaqstan Respublikası Mektepke shekemgi hám mektep bilimlendiriwi ministrligine qaraslı Respublikalıq “Bárkamal áwlad” balalar mektebinde “Mádeniyat hám kórkem óner”, “Texnika, konstruktorlıq hám modellestiriw”, “Dene tárbiyası hám sport”, “Ónermentshilik hám qol miyneti”, “Turizm hám ekologiya”, “Joqarı oqıw orınları hám mektepke tayarlaw” hám “Shet tiller” baǵdarları boyınsha 42 dógerek shólkemlestirilgen.
Mektepte 1165 oqıwshı bilim hám sheberlik arttırmaqta. Dógerek xanalarında shınıǵıwlardı nátiyjeli shólkemlestiriw ushın zárúr barlıq sharayat jaratılǵan. Tárbiyalanıwshılar Qaraqalpaqstan Respublikası hám respublika kólemindegi tańlaw hám festivallarda tabıslı qatnasıp kelmekte.
“Bárkamal áwlad” balalar mekteplerinde 2025-jıldan baslap jolǵa qoyılǵan “STEAM” jańa bilimlendiriw baǵdarlaması boyınsha bul jerde de dógerekler jumısı jolǵa qoyılıp, tájiriybe sıpatında mektepten tısqarı bilimlendiriwge engizilmekte.
Sonday-aq, Qaraqalpaqstan Respublikası Mádeniyat ministrligi janındaǵı balalar muzıka hám kórkem óner mektepleri, Qaraqalpaqstan Respublikası Ayrıqsha jaǵdaylar basqarması, “Ónerment” associaciyası menen birgelikte dóretiwshilik tańlawlar, festivallar, oqıw-shınıǵıwlar hám seminar-treningler shólkemlestirilmekte.

Maqset HABIBULLAEV (súwret), ÓzA