Házirgi kúnde sociallıq qáwipli qılmıslardıń jańa túrleri keńnen tarqalmaqta. Atap aytqanda, paydalanılǵan transport quralların qımbat bahalarda satıw maqsetinde odometr kórsetkish (qansha aralıq júrgenin kórsetetuǵın tablo) in qálbekilestiriw jaǵdayları baqlanbaqta.

Sol sebepli, Parlamenttiń Tómengi palatası deputatları odometr úskenesiniń kórsetkishleri ózgertilgeni yamasa odometr úskenesi almastırılǵanı haqqında avtotransport quralın realizaciyalawdan aldın satıp alıwshını xabardar etpew ushın hákimshilik juwapkershilik ilajların belgilewge baylanıslı nızam joybarın islep shıqtı.
Oǵan bola, Hákimshilik juwapkershilik haqqındaǵı kodeks tómendegi mazmundaǵı 121-1-statya (Avtotransport qurallarınıń odometr kórsetkishleri ózgertilgenligi yamasa odometr úskenesi almastırılǵanlıǵı haqqında xabardar etpew) menen tolıqtırıladı:
“Avtotransport quralınıń basıp ótken aralıǵın kórsetiwshi odometr úskenesi kórsetkishleriniń ózgertilgeni yamasa odometr úskenesi almastırılǵanı haqqında avtotransport quralın realizaciyalawdan aldın qarıydardı xabardar etpew –
bazalıq esaplaw muǵdarınıń on esesinen on bes esesine shekemgi muǵdarda járiyma salıwǵa sebep boladı,”- dep málimleme beredi xabar.uz saytı.

Qaraqalpaqstan xabar agentligi