Húkimettiń usı jıl 11-noyabrdegi 717-sanlı qararı menen «Narkotiklerge qarsı gúresiw pidayısı» kókirek belgisi haqqındaǵı reje tastıyıqlandı.

Kókirek belgisi menen pidayı puqaralar, birinshi gezekte, jaslar sıylıqlanadı.
Kókirek belgisi menen sıylıqlanıwǵa talabanlardıń dizimi Ózbekstan Respublikası Prezidenti Administraciyası janındaǵı Náshebentlik zatlar hám oq atıw quralların qadaǵalaw agentligine hár jılı 1-mayǵa shekem usınıladı.
Kókirek belgisi, ádette, hár jılı 26-iyun – Xalıqaralıq náshebentlikke qarsı gúresiw kúni aldında saltanatlı jaǵdayda tapsırıladı.
Kókirek belgisi menen bir shaxs bir márte sıylıqlanadı.
Kókirek belgisi mámleketlik sıylıqlardan keyin kókirektiń shep tárepine taǵıladı,- dep málimleme beredi xabar.uz saytı.

Qaraqalpaqstan xabar agentligi