Prezident Administraciyasınıń basshısı Saida Mirziyoeva YuNESKOnıń jańa bas direktorın qutlıqladı.

“YuNESKO Sekretariatına birge islesiw ushın shın júrekten minnetdarshılıq bildiremen. Sonday-aq, doktor Xolid al-Ananiydi shólkemniń Bas direktorı lawazımına tayınlanǵanı menen qutlıqlayman. Ózbekstan YuNESKOnıń tınıshlıq, bilimlendiriw hám óz-ara mádeniyatlar almasıwı jolındaǵı isenimli sherigi bolıp qalmaqta.
Prezidentimiz Shavkat Mirziyoevtiń bul tariyxıy ilajdı Ullı Jipek jolı orayında ótkeriw baslamasın bir awızdan qollap-quwatlaǵanı ushın barlıq aǵza mámleketlerge shın júrekten minnetdarshılıǵımdı bildiremen,” dep jazadı Mirziyoeva.
Esletip ótemiz, Xolid al-Ananiy Samarqandtaǵı sessiyada bas direktor lawazımına saylanǵan edi, – dep málimleme beredi xabar.uz saytı.

Qaraqalpaqstan xabar agentligi