Jaslardıń sabaqtan bos waqıtların kewilli hám mazmunlı ótkeriw, olardı Watansúyiwshilik ruwxında tárbiyalaw maqsetinde, Ózbekstan mámleketlik denetárbiyası hám sport universiteti Nókis filialı direktorı B.Erimbetov filialdıń studentleri hám tyutor N.Artıqbaeva menen birgelikte Berdaq atındaǵı Qaraqalpaq mámleketlik universiteti quramındaǵı Reperessiya qurbanların eslew muzeyine sayaxatqa bardı.

Sayaxat dawamında muzey ekskursovod Raxman Buranov tárepinen hár bir eksponant penen jaqınnan tanıstırıldı hám muzey zallarınan orın alǵan hár bir eksponant studentlerde úlken qızıǵıwshılıq oyattı. Ásirese, XX ásirde júz bergen siyasiy repressiyalar, xalqımız basınan ótkergen awır sınaqlar, tariyxıy waqıyalar, millet pidayılarınıń ómiri hám mártlikleri haqqında kóplegen maǵlıwmatlarǵa iye boldı.
Joqarı oqıw ornı basshısınıń baslaması menen shólkemlestirilgen bul sayaxat studentlerde Watan súyiwshilik sezimlerin oyatıp, olarda márt ata-babalarımızdıń islegen erliklerine degen húrmet, milliy qádiriyatlarǵa sadıqlıq sezimlerin elede bekkemledi.

B.Toxpanov,
Berdaq atındaǵı QMU jurnalistika tálim baǵdarınıń studenti.
Qaraqalpaqstan xabar agentligi