Bul haqqında Ózbekstan Respublikası Prezidenti janındaǵı Basqarıw nátiyjeliligi agentligi hám Ózbekstan Respublikası Sawda-sanaat palatası arasında qol qoyılǵan birge islesiw haqqındaǵı memorandumda belgilendi.

Hújjet mámleketlik uyımlar hám jeke menshik sektor arasında nátiyjeli sheriklikti rawajlandırıw, jeke menshik sektordaǵı eń aldınǵı tájiriybelerdi mámleketlik xızmette engiziwge qaratılǵan.
Memorandum sheńberinde mámleketlik uyımlardıń HR basshıları ushın jeke menshik sektordıń qatnasıwında oqıwlar hám stajirovkalar shólkemlestiriledi.
Insan resursların basqarıwda joqarı kórsetkishlerge erisken TOP-100 kompaniyalar menen turaqlı sóylesiw platforması (“HR-club”) qáliplestiriledi.
Jergilikli kompaniyalardıń ekspertleri tájiriybe almasıw processlerine tartıladı. Mámleket boylap HR qánigeleri ushın birden-bir baylanıs kanalı jaratıladı hám mámleketlik uyımlarda HR bólimleri qollap-quwatlanadı. Sanlı texnologiyalar tiykarında insan resursların basqarıw rawajlandırıladı.
Bul memorandum kadrlar potencialın arttırıw, innovaciyalıq HR ámeliyatların engiziw arqalı basqarıw nátiyjeliligin arttırıwǵa xızmet etiwi kútilmekte.

N.Abduraimova, ÓzA