Ózbekstan investiciyalar, sanaat hám sawda ministri Laziz Qudratov Iran Islam Respublikasınıń sanaat, kánler hám sawda ministri Muhammad Atabak penen ushırastı. Óz-ara sóylesiw dawamında tárepler sawda-ekonomikalıq baylanıslardı keńeytiw, birgeliktegi joybarlardı ámelge asırıw hám paydalı birge islesiwdi jáne de bekkemlew máselelerin dodaladı.

Ushırasıwda energetika, transport, logistika, farmacevtika hám turizm tarawlarında kooperaciyanı rawajlandırıwǵa ayrıqsha itibar qaratıldı. Sonday-aq, qospa óndirislerdi shólkemlestiriw hám ónimlerdi regionallıq bazarlarǵa alıp shıǵıw boyınsha ámeliy baslamalar kórip shıǵıldı.
Statistikaǵa bola, 2024-jılı mámleketlerimizdiń óz-ara sawda kólemi 500 million dollardı quraǵan. 2025-jıl 1-sentyabr jaǵdayına bola, Ózbekstanda Iran kapitalınıń qatnasıwında 222 kárxana jumıs alıp barmaqta, olar qurılıs, transport hám farmacevtika tarawlarında joybarlardı ámelge asırmaqta.

M.Pirmatova, ÓzA