Ózbekstan Respublikası Prezidentiniń 2025-jıl 17-iyuldegi qararınıń orınlanıwı sheńberinde Qaraqalpaqstanǵa Mongoliyadan jámi 1 mıń 247 bas “Bayad” násilli qoyları alıp kelindi.

Bul qoylardıń 1000 bası ushın 2,4 milliard sum, 247 bası ushın 592,8 million sum jeńilletilgen bank krediti ajıratıldı.
Alıp kelingen qoylar joqarı ónimdarlıǵı hám jergilikli klimatqa beyimlesiwsheńligi menen ajıralıp, sharwashılıqtı rawajlandırıw hám ónimniń sapasın arttırıwǵa xızmet etedi.
Qararǵa muwapıq, 2025-jıl 1-avgusttan 2027-jıl 31-dekabrge shekem fermer xojalıqları hám awıl xojalıǵı kárxanalarına jıllıq 10 procent stavkada (sonıń ishinde, 3 procent bank marjası), 5 jıl múddetke hám 2 jıllıq jeńilletilgen dáwir menen kredit qarjıları ajıratıladı.

Qaraqalpaqstan xabar agentligi.