“Qáwipsiz qala” orayında Ishki isler ministriniń orınbasarı Z.Qurbonovtıń qatnasıwında usı jıldıń ótken 9 ayı dawamında ámelge asırılǵan jumıslar boyınsha esabat májilisi ótkerildi.

Májiliste ótken dáwir dawamında “Qáwipsiz qala” orayına kelip túsken rásmiy hújjetler, Prezident qararları, pármanlar, Ministrler Kabinetiniń qararları, ministrliktiń biylikleri, sonday-aq, buyrıqlardıń belgilengen tártipte qadaǵalawǵa alınǵanı, orınlanıwı tolıq támiyinlengeni haqqında sóz etildi.
Sonday-aq, mámleketimiz basshısınıń 2025-jıl 3-yanvardaǵı PQ-1-sanlı qararınıń orınlanıwı sheńberinde respublika boyınsha “qızıl” kategoriyadaǵı máhálle aymaqlarına 23 mıń 747 intellektuallıq videobaqlaw kameraları ornatılǵanı ayrıqsha atap ótildi.
Házirgi waqıtta integraciya jumısları 60 procentke jetkerilgen bolıp, barlıq aymaqlarda server qurılmaları ornatıldı hám oraydıń jumısın úzliksiz támiyinlew ushın zamanagóy Monitoring orayı tolıq iske qosıldı. Búgingi kúnde “Qáwipsiz qala” platformasına bir qatar ministrlikler hám uyımlardıń maǵlıwmatlar bazaları integraciyalanǵan hám bul mámleketlik uyımlar arasında maǵlıwmat almasıw nátiyjeliligin keskin arttırmaqta.
Májiliste tarawdıń ótken 9 aylıq jumısı hár tárepleme tallanıp, ámelge asırılǵan reformalar, sanlı transformaciya processleri hám xızmet nátiyjeliligin arttırıw baǵdarında erisilgen jetiskenlikler dodalandı. Hár bir baǵdar boyınsha kórsetkishler, aymaqlıq basqarmalardıń jumısı hám “Qáwipsiz qala” sisteması sheńberinde orınlanǵan jumıslar kórip shıǵıldı.
Tarmaqta nasaz kameralar sanınıń artıp baratırǵanı qattı sınǵa alındı. Sonday-aq, ornatılǵan kameralardı integraciyalaw jumısların jedellestiriw zárúr ekenligi kórsetip ótildi.

Dildora DWSMATOVA, ÓzA