Ekshembi kúni Tailand-Malayziya shegarası janında qayıq shógip ketkennen soń júzlegen adamlar biydárek joǵalǵan, 10 adam aman qalǵan hám bir adamnıń denesi tabılǵan, dep xabar bermekte “Arab News” basılımı.

Aman qalǵanlar arasında úsh myanmalı, eki rohinjalı hám bir bangladeshli erkek bar edi, dep jazdı “Bernama” málimleme agentligi Kedah policiya basshısı Adizli Abu Shahqa súyenip.
Adizliniń sózlerine bola, Malayziyaǵa ketip baratırǵan adamlar dáslep úlken qayıqqa mingen, biraq shegaraǵa jaqınlaǵanda olar úsh kishi qayıqqa ótip alǵan.
Qalǵan eki qayıqtıń jaǵdayı belgisiz hám izlew-qutqarıw jumısları dawam etpekte.

M.Pirmatova, ÓzA