Prezident Shavkat Mirziyoevtiń medicina hám farmacevtika xızmetkerleri menen ushırasıwında taraw wákilleri menen sóylesiw bolıp ótti. Mámleketimiz basshısı olardıń usınısların, pikir-usınısların tıńladı.

– Men shıpaker iynindegi aq lipastı tek ǵana kásip belgisi emes, al Watanǵa sheksiz sadıqlıq tımsalı dep bilemen.
Bunnan bılay da shıpakerdiń, hár bir medicina xızmetkeriniń abırayın qorǵaw, oǵan hár tárepleme múnásip sharayat jaratıw itibarımız orayında boladı.
Birgelikte biz Jańa Ózbekstandı basqa tarawlar qatarında medicinası da rawajlanǵan mámleketke aylandıratuǵınımızǵa isenemen.
Bársheńizge usı jolda bekkem densawlıq, kúsh-ǵayrat, oǵada juwapkershilikli hám maqtanıshlı jumısıńızda úlken tabıslar, shańaraqlıq baxıt-ıǵbal tileymen, – dedi Prezidentimiz ushırasıw juwmaǵında.

ÓzA