Bul haqqında Prezident Shavkat Mirziyoevtiń medicina hám farmacevtika xızmetkerleri menen ushırasıwında málim etildi.

Ullı babamız Abu Ali ibn Sinonıń “Táwip bárqulla óz bilimlerin jańalap turıwı lazım. Sebebi, dene hám tábiyat bárqulla jańalanıp turadı,” degen hikmetli sózleri aradan mıń jıl ótken bolsa da, óz áhmiyetin zárre joǵaltpaǵanı atap ótildi.
Búgingi dáwir shıpakeri zamanagóy texnologiya, emlew hám diagnostika usıllarınan xabardar bolıwı, óz ústinde turaqlı islewi shárt ekenligi atap ótildi.
Sol sebepli, medicina xızmetkerleriniń mamanlıǵın úzliksiz arttırıp baratuǵın jańa sistema boladı.
Kelesi jıldan qánigelik arttırıwdıń aralıqtan, robot-simulyator, ámeliy, jumıs ornında erkin tayarlıq sıyaqlı túrleri jolǵa qoyıladı.
Qánigelik arttırıw talapları hám bahalaw normaların islep shıǵıw menen shuǵıllanatuǵın Úzliksiz kásiplik medicinalıq bilimlendiriw orayı shólkemlestiriledi.

ÓzA