Qaysı máhállede, rayonda qanday kesellik kóbeygen yamasa azayǵanın tallap, olardıń aldın alıw hám nátiyjeli emlew boyınsha anıq reje menen islesiw, respublikalıq oraylar bunday tallaw hám qatnas jasaw menen jumıstı tómende shólkemlestiriwi, úlken qarjı esabınan alıp berilgen eń zamanagóy úskenelerden nátiyjeli paydalanıw hár qashanǵıdan da áhmiyetli ekeni kórsetip ótildi.

Prezidentimiz bul jumıslardıń jaǵdayın anıq mısallar tiykarında talladı.
Mısal ushın, sońǵı bes jılda asqazan kesellikleri 1,5 esege qısqarǵan bolsa da, Qashqadárya hám Nawayıda derlik ózgeris bolmaǵan. Yakkaboǵta shıpakerlerge bolǵan múrájatlardıń 33 procenti, Ǵuzarda 29 procenti, Kason hám Mirishkorda bolsa 25 procenti asqazan-ishek kesellikleri menen baylanıslı.
Shıpakerlerimiz xalıqqa, ásirese, balalarǵa antibiotiklerdi elege shekem shala-sharpı qollanıp kiyatırǵanı sınǵa alındı. Rayonlarǵa túsip, emlewxana hám poliklinikalardaǵı shıpakerlerge qaysı dári múmkin, qaysısı múmkin emes ekenligin úyretiw jumısları tómen.
Jáne bir mısal, bóteke kesellikleriniń úlesi Qaraqalpaqstan, Xorezm, Ferǵana hám Ándijanda respublikalıq kórsetkishten 40-50 procentke joqarı.
Bul aymaqlarda bul kesellikler jıllar dawamında azaymay kiyatırǵanı Urologiya orayı hám Nefrologiya orayı basshıların qáweterge salıwı, olar tómenge túsip, bótekekesellikleriniń aldın alıwdı úyretiwi kerek ekenligi kórsetip ótildi.

ÓzA