– Medicinadaǵı ózgerislerdi awıllıq hám alıs aymaqlarda jasap atırǵan millionlaǵan adamlarımız da sezip atır, xalıqaralıq shólkemler, tallaw hám reyting orayları tán almaqta.

Elimizde ortasha ómir dawamlılıǵı er adamlar arasında 71 jastan 73 jasqa, hayal-qızlar arasında bolsa 76 jastan 77,5 jasqa uzayǵanı sizler menen erisken úlken jetiskenligimiz, desem durıs boladı.
Álbette, mashaqatlı miynet jemisi bolǵan bunday iygilikli jumıslarda 600 mıńnan aslam jankúyer medicina xızmetkerleriniń múnásip úlesin atap ótip, hár qansha raxmet aytsaq, arzıydı, – dedi mámleketimiz basshısı.
Bunnan soń Prezidentimiz mámleketimizdiń joqarı ataq, orden hám medallarına iye bolǵan insanlarǵa mine, usı sıylıqlardı tapsırdı.
Olardıń arasında dúnyanıń abıraylı joqarı oqıw orınlarında bilim hám tájiriybe alıp, elimizge qaytıp kelip islep atırǵan, joqarı texnologiyalıq emlewlerdi ámelge asırıp atırǵan jas shıpakerler de bar.
Mámleketimiz basshısı xalıqtıń salamatlıǵın saqlawda jaqınnan járdem berip atırǵan sırt elli sheriklerge ayrıqsha húrmet-izzetin bildirdi.

ÓzA