Ózbekstan Respublikası Prezidentiniń Pármanı

Elimizde densawlıqtı saqlaw sistemasın hám farmacevtikanı rawajlandırıw, medicinalıq xızmetlerdiń sapasın arttırıw, tarawdı túpkilikli reformalawǵa qaratılǵan baǵdarlamalardıń orınlanıwın tabıslı támiyinlew baǵdarındaǵı kóp jıllıq nátiyjeli miyneti, óziniń bilim hám potencialı, professionallıq sheberligi menen diagnostika hám emlew ámeliyatında zamanagóy, joqarı texnologiyalıq usıllardı keńnen qollanıw, xalıqtıń salamatlıǵın isenimli qorǵaw, jámiyette salamat turmıs tárizin bekkemlewge múnásip úles qosıp kiyatırǵanı, joqarı maman kadrlardı tayarlaw jolındaǵı úlken xızmetleri jáne jámiyetlik turmısta belsene qatnasqanı ushın tómendegiler sıylıqlansın:

Qaraqalpaqstan Respublikası boyınsha:
II dárejeli “Soǵlom avlod uchun” ordeni menen

Kabulov Mels – Qaraqalpaqstan medicina institutı xirurgiyalıq kesellikler hám transplantologiya kafedrası professorı
II dárejeli “Salomatlik” ordeni menen

Esenbaev Puxarbay Qazaqbaevich – Respublikalıq qıstawlı medicinalıq járdem orayınıń Qanlıkól rayonı bólimi avtokárxanası baslıǵı

Madreymova Gulparshın Imamaddinovna – Taxtakópir rayonındaǵı “A.Adilov” shańaraqlıq shıpakerlik punkti patronaj miyirbiykesi

“Dwstlik” ordeni menen

Jaybergenova Gulnara Muratbaevna – Qaraózek rayonı medicina birlespesiniń tuwıw bóliminiń neonatologi

«Soǵlom turmush» medalı menen

Marimova Erkinoy Kozievna – Beruniy rayonı medicina birlespesiniń náresteler bólimi baslıǵı.

Ózbekstan Respublikası
Prezident Sh.MIRZIYoEV
Tashkent qalası,
2025-jıl 8-noyabr