Kópshiliktiń xabarı bolǵanınday házirgi kúnleri Saudiya Arabstanınıń Ar-Riyod qalasında VI Islam tilekleslik oyınları bolıp ótpekte.

18-21-noyabr kúnleri usı jarıs sheńberinde, sporttıń erkin gúres, grek-rim gúresi, hayal-qızlar gúresi boyınsha bellesiwler ótkeriledi.
Onda mámleketimiz saylandı komandası quramında qaraqalpaqstanlı eki palwan qatnasadı. Atap aytqanda, grek-rim gúresi boyınsha Aziya chempionatı hám Aziya oyınları jeńimpazı, jáhán chempionatınıń gúmis hám qola medalı iyesi, 2021-jılı Konyada ótkerilgen V Islam tilekleslik oyınlarınıń chempionı Jalǵasbay Berdimuratov hám hayal-qızlar gúresi boyınsha Aziya oyınları hám Aziya chempionatınıń qola medalı iyesi, Konyada ótkerilgen V Islam tilekleslik oyınlarınıń gúmis medalı jeńimpazı Aqteńge Keunimjaevalar qatnasadı.
Palwanlarımızǵa bul jarısta áwmet yar bolıwın tileymiz.

Adilbay Orazov,
Qaraqalpaqstan xabar agentligi sholıwshısı.