Ózbekstan mámleketlik konservatoriyası Nókis filialında «Franciya mádeniyatı aylıǵı» sheńberinde ushırasıw bolıp ótti.

Onda Qaraqalpaqstan Respublikası Ministrler Keńesi Baslıǵınıń orınbasarı R.Zarikeev, Franciyanıń Ózbekstandaǵı ayrıqsha hám tolıq huqıqlı elshisi Ualid Fuk basshılıǵındaǵı delegaciya aǵzaları,  Qaraqalpaqstan Respublikası Mádeniyat ministri B.Temirbaev, Qaraqalpaqstan Respublikası  Joqarı bilimlendiriw, ilim hám innovaciyalar ministri A.Ayapov, “Qaraqalpaqfilm” kinostudiyası mámleketlik unitar kárxanası direktorı I.Abdixalikov hám Ózbekstan mámleketlik konservatoriyası Nókis filialı direktorı R.Allanbaevlar qatnastı.

Ushırasıwda eki tárep wákilleri óz-ara birge islesiw boyınsha pikir-usınıslar bildirip, aldaǵı wazıypalardı belgilep alındı.

Ilaj konservatoriya professor-oqıtıwshıları hám studentleri tárepinen tayarlanǵan koncert baǵdarlaması menen dawam etti.

Qaraqalpaqstan xabar agentligi