Nókis Olimpiya hám paralimpiya sport túrlerine tayarlaw orayında sporttıń oq jaydan oq atıw túrinen Qaraqalpaqstan kubogı bolıp ótti.

Jarısqa respublikamızdıń barlıq aymaqlarınan kúshli sportshılar qatnasıp, olar bir neshe baǵdarlar boyınsha óz-ara bellesti.
Keskin ótken bellesiwler juwmaǵında, eresekler arasında Ǵanisher Samatov, Mavlyuda Rejepova, jas óspirimler arasında Artıq Dármenbaev, Dilafruz Sipatdinova, kishi jastaǵılar arasında Bekzat Bekbaev, Shaxsánem Jeńisbaeva, Olimpiya túri boyınsha jas óspirimler arasında Artıq Dármenbaev, Oksana Tájimuratova, balalar arasında Bekzat Bekbaev, Shaxsánem Jeńisbaevalar altın medaldı jeńip alıwǵa miyasar boldı.
Al, ulıwma komandalıq esapta bolsa, Nókis qalası birinshi orındı iyelegen bolsa, ekinshi hám úshinshi orınlar Shımbay hám Qanlıkól rayonları sportshılarına nesip etti.
Jarıstıń sıylıqlaw máresimine Qaraqalpaqstan Respublikası Sport ministri E.Qutıbaev, Ózbekstan Oq jaydan oq atıw federaciyası Qaraqalpaqstan Respublikası bólimi baslıǵı M.Yusupovlar qatnasıp, sportshılardı erisken jetiskenligi menen qutlıqladı hám aldaǵı jarıslarda bunnanda joqarı nátiyjelerge erise beriwine tilekleslik bildirdi.
Jarıs juwmaǵına jeńimpazlar shólkemlestiriwshiler tárepinen diplom, medal hám estelik sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı