“Qaraqalpaqstan Respublikasında tikkeley sırt el investiciyaların tartıw esabınan Jaslar sociallıq-ekonomikalıq orayın qurıw ilajları haqqında”ǵı Prezident qararı (PQ-332-sanlı, 03.11.2025 j.) qabıl etildi. Bul haqqında “Huquqiy axborot” Telegram-kanalı xabar berdi.

Onda aytılıwınsha, bul qararǵa bola, Xojeli rayonında Jaslar sociallıq-ekonomikalıq orayı shólkemlestiriledi.
Oray aymaǵında IT universitet, startaplar texnoparki hám olardı qollap-quwatlaw innovaciyalıq toparları, jaslardıń bántligin támiyinlewge qaratılǵan óndiris kárxanalarınıń jumısı jolǵa qoyıladı.
Sonday-aq, qurıp paydalanıwǵa tapsırılǵan sociallıq taraw obektleri Investor tárepinen tiyisli mámleketlik uyımlardıń qaramaǵına biypul ótkerip beriledi.
Bunnan tısqarı, Qaraqalpaqstan Respublikası Ministrler Keńesi janında mámleketlik mákeme túrinde Jaslar sociallıq-ekonomikalıq orayınıń direkciyası shólkemlestiriledi, – de málimleme beredi xs.uz saytı.

Qaraqalpaqstan xabar agentligi