“2026-2030-jıllarda siyrek ushırasatuǵın (orfan) hám basqa da násillik-genetikalıq keselliklerge shatılǵan balalarǵa medicinalıq hám sociallıq járdem kórsetiwdi shólkemlestiriw boyınsha ilajlar baǵdarlamasın tastıyıqlaw haqqında”ǵı Prezident qararı (PQ-331-sanlı, 03.11.2025-j.) qabıl etildi. Bul haqqında “Huquqiy axborot” Telegram-kanalı málim etti.

Onda aytılıwınsha, bul qararǵa bola, 2026-2030-jıllarda siyrek ushırasatuǵın (orfan) hám basqa da násillik-genetikalıq keselliklerdi emlew hám aldın alıwdıń tiykarǵı maqsetleri etip tómendegiler belgilengen, sonıń ishinde:
Mámleketlik byudjet qarjıları esabınan biypul emlenetuǵın siyrek ushırasatuǵın (orfan) hám basqa da násillik-genetikalıq kesellikler túrin 5 ten 10 ǵa jetkeriw;
• usı keselliklerge shalınǵan balalardıń dári-dármaqlar, arnawlı azıq-awqatlar hám medicinalıq úskeneler menen támiyinleniw dárejesin 95 procentten 99 procentke jetkeriw;
• siyrek ushırasatuǵın (orfan) hám basqa násillik-genetikalıq keselliklerge shalınǵan balalardıń salamatlıǵın qorǵaw hám tiklew.
Sonday-aq, 2026-jıl 1-yanvardan usı túrdegi keselliklerge shalınǵan 18 jastan 21 jasqa shekemgi nawqaslar biypul medicinalıq baqlawda boladı hám emlew jumısları dawam ettiriledi.

Qaraqalpaqstan xabar agentligi