Jumıs beriwshi hám xızmetker arasındaǵı miynet qatnasıqlarınıń huqıqıy tiykarların biliw hámme ushın áhmiyetli esaplanadı.

2022-jıl 28-oktyabrde qabıl etilgen Miynet kodeksinde belgilengen qaǵıyda hám normalardı ámelde qollanıw olardı keńnen túsindiriw, úgit-násiyatlawdı talap etedi.
Usı maqsette 3 tomnan ibarat “Ózbekstan Respublikasınıń Miynet kodeksine ilimiy-ámeliy túsindirme” kitabı ámeldegi miynet nızamshılıǵı tiykarında tayarlandı.
Kitap bántlik tarawı qánigeleri, túrli shólkemlerdiń basshı hám kadrlar menen islesiw bóliminiń juwapker xızmetkerleri, huqıq baǵdarındaǵı bakalavriat, magistratura, texnikum student hám oqıwshıları jáne izertlewshiler, professor-oqıtıwshılar, sonday-aq, keń kitapqumarlar toparına mólsherlengen.

ÓzA