Házirgi kúnlerde hawa-rayı temperaturasınıń keskin tómenlep, suwıq túsiwi baqlanbaqta. Suwıqtıń awıl xojalıǵı eginlerine unamsız tásirin azaytıw maqsetinde Awıl xojalıǵı ministrligi hám onıń sistemasındaǵı ilimiy-izertlew institutlarınıń ilimpazları tárepinen toqsanbastı usılındaǵı piyaz hám basqa da eginlerdi suwıqtan qorǵaw boyınsha usınıslar islep shıǵıldı.

Atap ótiliwinshe, bul usınıslar óz waqtında diyqan hám fermerlerge de jetkerilgen. Sonday-aq, tájiriybeli diyqan hám fermerler kóp jıllıq ámeliyatlarına súyengen halda eginlerdi suwıqtan saqlaw boyınsha zárúr ilajlardı kórmekte. Bul processte eginlerdiń suwıqqa shıdamlılıǵına qarap olardı durıs tárbiyalaw úlken áhmiyetke iye.
Ovoщ eginlerin suwıqqa shıdamlılıǵına qaray tómendegi toparlarǵa bóliw múmkin:
Suwıqqa shıdamlı hám qısqa shıdamlı eginler: piyaz, chesnok, reven, gvozdika sıyaqlı eginler. Olar -10 gradustan -15 gradusqa shekem, qar astında bolsa -20 gradustan -25 gradusqa shekemgi suwıqqa shıdam bere aladı;
• Qısqa muddetli suwıqtan qorǵawdı talap etpeytuǵin eginler: suwıqqa shıdamlı basqa ovoщlar, olar tábiyǵıy sharayatta qattı suwıqqa da shıdam bere aladı.
Qısqa múddetli suwıqtan keyingi agrotexnikalıq ilajlar
Suwıq kúnler ótip, eginlerdi “stress” hám “shok” jaǵdayınan shıǵarıw ushın tómendegi ilajlar ámelge asırılıwı kerek:
• Qosımsha awqatlandırıw:
Eginlerdi mikroelementler hám aminokislotalarǵa bay preparatlar menen azıqlandırıw zárúr. Viusid, Biotrac sıyaqlı elementi bar azıqlıqlardı japıraqtan azıqlandırıw ushın qollanıw jaqsı nátiyje beredi.
• Azotlı tóginlerden paydalanıw:
Eginlerdiń ósiw procesin tezlestiriw maqsetinde tez tásir etiwshi sulfat ammoniy sıyaqlı azotlı mineral tóginlerden paydalanıw usınıs etiledi.
• Íssılıqtı saqlaw ilajları:
Hawa temperaturası tómen bolsa, eginlerdi qarıq ústine plyonka menen jabıw arqalı qorǵaw múmkin.
Suwǵarıw hám topıraq ıǵallıǵın saqlaw:
Topıraqtaǵı ıǵallıqtı saqlaw hám suwıq tásirin azaytıw ushın suwǵarıwdı turaqlı ámelge asırıw kerek.
Barlıq agrotexnikalıq ilajlar intensiv usılda hám qısqa múddette orınlanıwı kerek. Bunday ámeliyatlar tek ǵana eginlerdi suwıqtan qorǵawǵa járdem berip qoymastan, al ónimdarlıqtı saqlap qalıwda da áhmiyetli orın iyeleydi.

Qaraqalpaqstan xabar agentiligi