«OpenAI» óz xızmetlerinen paydalanıw siyasatın jańaladı. Endi ChatGPT paydalanıwshılarǵa huqıqıy yamasa medicinalıq baǵdarda másláhát bere almaydı. Bul sheklew kompaniyanıń rásmiy saytında járiyalanǵan.

Qadaǵan tek usı eki baǵdar menen sheklenbeydi. Endi ChatGPT tómendegi tarawlarda da másláhát bere almaydı:
– bilimlendiriw,
– turaq jay máseleleri,
– bántlik hám jumısqa jaylasıw,
– finans hám kreditlew,
– qamsızlandırıw,
– “áhmiyetli mámleketlik xızmetler” menen baylanıslı máseleler.
Sonday-aq, chatbot migraciya hám milliy qáwipsizlik máseleleri boyınsha da másláhát bere almaydı.
“Biz paydalanıwshılardan xızmetlerimizden durıs paydalanıwdı talap etemiz. Qaǵıydalardı buzıw yamasa qáwipsizlik ilajlarına ámel etpew sistemalardan paydalanıw huqıqınıń biykar etiliwine yamasa basqa da ilajlarǵa alıp keliwi múmkin,” delinedi bildiriwde.
Bunnan tısqarı, «OpenAI» xızmetlerinen qáwip salıw, qorqıtıw, kútim jasaw, jala jabıw, óz janına qastıyanlıq etiw yamasa awqatlanıw buzıwshılıǵı menen baylanıslı úgit-násiyatlaw, jınısıy zorlıq, terrorizm, qural jaratıw yamasa satıp alıw, sonday-aq, pul tigiw sıyaqlı maqsetlerde paydalanıw qatań qadaǵan etiledi, – dep málimleme beredi xs.uz saytı.

Qaraqalpaqstan xabar agentligi