Ózbekstan Respublikasınıń Ilimler akademiyası – iri ilimiy-izertlew institutları, laboratoriyalar hám ilimiy mekteplerdi birlestiriwshi sistema esaplanadı.

1943-jıl 4-noyabr kúni elimizdiń ilim tariyxında áhmiyetli sáne sıpatında belgilengen. Áyne usı kúnde Ózbekstan Respublikasınıń eń iri hám abıraylı ilimiy shólkemi – Ózbekstan Ilimler akademiyası shólkemlestirilgen. Bul waqıya respublikamız iliminiń ǵárezsiz rawajlanıwında hám milliy kadrlar mektebin qáliplestiriwde jańa basqıshtı baslap bergen.
Akademiyanıń qáliplesiwi hám dáslepki jumısında belgili ilimpaz, matematik hám pedagog Qori Niyaziy úlken xızmet etken. Ol shólkemniń birinshi prezidenti etip saylanǵan.
Qori Niyaziy basshılıǵında akademiya qısqa waqıt ishinde tábiyǵıy pánler, texnika, awıl xojalıǵı, tariyx, filologiya, kórkem ónertanıw sıyaqlı baǵdarlarda ilimiy-izertlew institutların shólkemlestirgen.
Búgingi kúnde Ózbekstan Respublikası Ilimler akademiyasınıń ilimpazları ilim hám texnikanıń aldınǵı jetiskenliklerin ámeliyatqa engiziw, jas ilimpazlardı tayarlaw jáne xalıqaralıq ilimiy birge islesiwdi keńeytiwde belsene qatnasıp kelmekte.

Marhabo Hojiakbarova, ÓzA